Die impak van ons ouers en die lewe is kosbaar en hierdie is die unieke kans om te deel, te geniet en saam daaruit te groei.
Ons moes nou vir Daan groet. Tagtig jare met ons gewees en so besonder om saam daar te kon wees.
By die begrafnis kon ons ook die besondere dooprokkie vir mekaar wys.
Klompe van ons en ons kinders is daarin gedoop.
En die wonderlike brief van haar Ouma Joey aan Hanlie:
1 Die dooprokkie se eerste eienares van grootouma Maria
de Wet van Tulbach, getroud met Daniël Brink.
2 Dit was ‘n geskenk aan haar uit Indië van haar
vriendin Joey Verster, ook van Tulbach, getroud met ‘n Engelse Skeepskaptein.
Ouma is vernoem na haar.
3 Al grootouma se kinders, Tannie Dora, Ouma, Oom
Boetie, Tannie Baby, Tannie Marie en Tannie Etha is gedoop in die rokkie en
almal of byna almal die kleinkinders ook.
4 Van die kleinkinders is almal jou ooms en tannies
daarin gedoop behalwe oom Danie (tweeling). Hy is gedoop in Oupa Jan se
dooprokkie.
5 Toe jou pappa gedoop is moes ouma alleen saam met die
ander ouers voor die preekstoel staan, want Oupa moes die babas doop. Toe Pappa
se beurt kom, het Oupa die baba uit Ouma se arms geneem, in sy linkerarm
vasgehou en hom met die regterhand gedoop. Die valle van die dooprokkie het so
pragtig gelyk soos dit afgehang het voor Oupa se swart toga.
6 Jy, Hanlie, erwe die rokkie omdat Tannie Dora nie ‘n
kleindogter het nie en jy is Ouma se oudste kleindogter met Ouma se naam,
gedoop in die rokkie.
7 Bewaar dit, dalk kan ‘n dogtertjie van jou ook eendag
in dit gedoop word.
No comments:
Post a Comment